வயாவிளான் பிள்ளையார் ஆலயத்துக்கான திருப்பணி உண்டியலை ஆலயத்தின் பின்புறமாக உள்ள பலாலி வீதி அருகில் நாட்டி, போக்குவரத்து செய்வோரும் அத்தோடு முக்கியமாக எமது உயர் சார்ந்த வெளிநாடுகளில் இருந்து, எமது பிள்ளையாரை வணங்க போவோரும், தங்களால் முடிந்ததை திருப்பணி உண்டியலில் இட்டு செல்லலாம் என்ற நோக்கத்துக்காகவும் இந்த திட்டம் அழகாக ஆலோசகர்களின் அறிவுரையின் பெயரில் நிறைவேற்றப்பட்டது.
கிட்ட தட்ட முப்பத்ஐந்து வருடமாக எமது ஊர் முழுமையாக விடுபடாமல் இருப்பதோடும், விடுபட்ட இடங்களை சுத்தம் செய்து மீள் குடியேறாமலும் உள்ள நிலையிலும், முக்கியமாக உண்டியலை வைக்க நினைப்போர், ஏன் ஆலய சுத்தம் சூழலை துப்பரவு செய்து, ஆலயத்தை கொஞ்சம் அழகூட்டி, குறைந்தது ஒரு ஐயாவை அழைத்து, சாதாரண பூசை வழிபாடுகளில் ஈடுபட்டு, ஆலயம் வரும் மக்கள் தொகையை அதிகரித்து ஒரு சில காலத்தின் பின்பு ஆலயத்தை முழுமையாக பெறலாம் என்ற நம்பிக்கை இருக்கின்றது.
உயர் பாதுகாப்பு வலயமான, யாழ்பாமணம் விமான நிலையத்தில் வருவோரை புகைப்படங்கள் எடுப்பதற்கு அதிகாரம் வழங்கும் அரசு, ஏன் எமது ஆலயத்துக்கு புகைப்படங்கள் எடுப்பதை தடைசெய்துள்ளது என்ற கேள்விகள் எழுகின்றது. எமது ஊறவர்களின் ஒற்றுமையின்மை தான் இதற்க்கு முக்கியமான காரணமா என்று கூட என்ன தோன்றுகின்றது. ஆகவே ஆலய நிர்வாகம் ஏன் எமது ஆலயத்தை முழுமையாக விடமுடியாது என்றும் மற்றும் ஏன் எமது தொலைபேசிகளை கொண்டு புகைப்படங்கள் எடுங்க முடியாது என்பதையும் அறிந்து சொல்லுமாறு தாழ்மையாக கேட்டு கொள்கின்றோம்.
ஆலயத்துக்கு ஒரு நிர்வாகம் இருப்பதாக முகநூல் ஊடாக அறிய முடிகிறது, ஆகவே அந்த நிர்வாகம் இப்படியான கேள்விகளை உரியவர்களிடம் கேட்டு, எமது ஆலயத்தை முழுமையாக மீட்கும் படியும் கேட்டு கொள்கின்றோம்.
தட்டினால் மட்டுமே கதவுகள் திறக்கப்படும் என்பதை மறவாதீர்கள்.
நன்றி