ஏறத்தாழ 40 ஆண்டுகளாக, வயாவிளான் மக்கள் தங்களின் பூர்வீக நிலங்களுக்குத் திரும்பிச் சென்று வாழ முடியாத துயரமான நிலை தொடர்கிறது. எமது பூர்வீக மண்ணில் மீள்குடியேறுவதற்கான அடிப்படை உரிமையை வலியுறுத்தி, தொடர்ச்சியாக முன்னெடுக்கப்பட்டு வரும் மண் மீட்புப் போராட்டத்தின் 4ஆம் வார கவனயீர்ப்புப் போராட்டம் நடைபெறவுள்ளது.
இந்தப் போராட்டம் ஒரு சிலருக்கான போராட்டம் அல்ல. இது வயாவிளான் மண்ணின் உரிமைக்கான போராட்டம். இது எமது எதிர்கால சந்ததியினருக்கான போராட்டம். எமது கோரிக்கைகள் வயாவிளான் மக்களின் பூர்வீக நிலங்களை மீண்டும் விடுவிக்க வேண்டும். எமது மக்கள் தங்களது சொந்த மண்ணில் மீள்குடியேறுவதற்கு வழிவகை செய்ய வேண்டும். நீண்டகாலமாக தொடரும் இந்தப் பிரச்சினைக்கு நிரந்தரமான தீர்வு வழங்கப்பட வேண்டும். மக்களின் அடிப்படை உரிமையும் வாழ்வுரிமையும் உறுதி செய்யப்பட வேண்டும்.
அனைவரும் ஒன்றிணைவோம்! கட்சி, பிரதேசம், தனிப்பட்ட வேறுபாடுகள் அனைத்தையும் கடந்து, வயாவிளான் மண்ணின் உரிமைக்காக ஒரே குரலாக அனைவரும் அணிதிரள்வோம். ஒருவர் வருவதால் போராட்டம் வலுப்பெறாது — அனைவரும் ஒன்றிணைந்து நிற்கும்போதுதான் எமது குரல் வலிமை பெறும். எமது பிள்ளைகளுக்காக… எமது எதிர்கால சந்ததியினருக்காக… எமது பூர்வீக மண்ணுக்காக… வாருங்கள்! ஒன்றிணைவோம்! எமது உரிமையை வென்றெடுப்போம்!
இடம்: வயாவிளான் சந்தி
தேதி: 20-09-2026
நேரம்: காலை 10 மணி
“ஒற்றுமையே எங்கள் பலம் – எங்கள் மண்ணே எங்கள் உரிமை!